【火車埋站】潘明輝來勢洶洶 數據猶勝師兄師姐

千呼萬喚始出來！被譽為近年最有天份嘅見習騎師「火車潘」潘明輝（Matthew）嚟緊將會喺3月26號首度登場！早前馬會已經公佈咗「得獎者」，成功申請駕駛「火車潘」嘅師傅就係澳洲籍練馬師賀賢！

上季已經喺澳洲打響名堂嘅Matthew喺去年11月底嘅TRSA南澳見習騎師學院頒獎典禮上，橫掃4個獎項，包括最高榮譽的Dux大獎。Matthew今季暫時取得27場頭馬，現時喺南澳騎師榜上僅以兩win之差排喺賈傑美（Jamie Kah）之後排第二，據報佢將會喺3月13號阿德雷得盃後返港報到。

近年香港賽馬會一直致力推動見習學員計劃，每年6至7月都會招收新學員，上屆就以「捉緊夢想-成就未來」作為宣傳口號。成功脫穎而出嘅見習騎師大都會被派往澳洲或紐西蘭受訓，而近年馬會就先後「收成」黃皓楠、蔣嘉琦及巫顯東回港作賽。喺萬眾期待嘅潘明輝返嚟之前，不如一齊睇下佢同三位師兄師姐嘅數據比拼！